He, Winder, du alder kalder Ragger,
mach ich vum Agger!

Doi Zeit is rum, kumm, sei net doof,
begeb dich in doi Summerschloof.
Lang genunk hann mir geziddert,
sinn mim Audo iwwers Eis geschliddert,
bei de Schosseegadd werd es Salz schun knapp:
also Winder, mach Dich ab!

Lang genunk hammer die Schneeschipp gschwung,
Du hasch uns fascht zur Vezweiflung gebrung,
viel zu lang halschde uns uff Trabb:
also Winder, mach Dich ab!

Voll Sehnsucht gugg ich in de Gaade naus,
do schbitzle schun bissel die Krokusse raus,
aa die Schneegleckcher, wo so gern ich hab:
also Winder, mach Dich ab!

An de Weide hänge schun die Kätzjer,
die Vechel peife schun noo ihre Schätzjer,
am Chrischbaam sinn schun alle Noodle ab:
also Winder, mach Dich ab!

Ich hann kää Bock meh uff die Kält,
es soll widder warm werre uff dere Welt,
die Nadur soll widder erwache, drum:
Friehling, Friehling, dabber kumm!

Männener net aa?